يارايح على المدينه وصل السلام
علي احمد نبينا ده خير الأنام
عشقه بيسري فينا من وجدي ما انام
يا رايح علي المدينه وصل السلام
الثلاثاء، 19 نوفمبر 2019
الثلاثاء، 23 أبريل 2019
اغنيه جمهوريه الموز
وقام قاعد وقال ما بدا له
وقتل يبني في الثوار
وعدل يبني في الدستور
انا قاعد علي قلوبكم
قضاكم مالكم منه فرار
ومش عيبه ده عيب في شعوب
تذوق الذل والحسرة
وفي الاخر تقول مكتوب
يعيش الغربه في الأوطان
يعيش ويموت فقير غلبان
وبرده موطى الراس
الجمعة، 4 يناير 2019
شعر العاميه -انا المخطئ
انا المخطئ
من اكثر من سبعه اعوام
من اكثر من سبعه اعوام
وانا اكتب نفس الكلام
ايه الشعب افق واعدلوا ايه الحكام
ومر عام وراء عام
ولا جديد في شعب او حكام
لا اعرف انيام هم
ام انى انا المخطئ في الكلام
الخميس، 27 ديسمبر 2018
شعر العاميه - مفيش. فايده
كلمه قالها سعد حكمه
بعد ثوره وبعد منفي
يا بلد ما فيها فايده
راحت تظلي انتي الوسيه
واحنا فيكي عبيد في صخره
والي مش عاجبه الكلام
والي يقولي بكره احلي
كدبين ماشيين في زفه
يا بلد ما فيها فايده
الأحد، 16 ديسمبر 2018
شعر العاميه -حيره الشعراء
حيره الشعراء
الشاعر اليوم في حيره
اذا تكلم تطلبه السلطه
واذا صمت تقتله الحسره
اذا اغمض عينيه متغافلا
لامته شعوب ثمله
واذا فتح الاعين مبصرا
صار من اعداء الامه
الأربعاء، 28 نوفمبر 2018
شعر العاميه - مفيش جديد
ابنودى قالها ومات من الغيظ
ان الاوان ترحلي يا دوله العواجيز
وابو نجم قالها بعو الصوت
يا تفوق ياشعب ياما تموت
والشيخ امام غني ولحن
يا شعب فوق بالتى احسن
تسكت عن الظلم وتلعن
وانت الي بتبيع الاوطان
الاثنين، 27 أغسطس 2018
شعر العاميه المصريه / كلام في الحب
كل ما اوصف جمالك
ينتهي منى الكلام
جوه قلبي عشق ليكى
مش مجرد شعر وكلام
اه
يا غالي ليه بتقسى
ليه عليا تغيب ما تسال
كل يوم قلبي ينديك
وانت ليه قلبك بيقسي
يا حبيبى انت ليا
كل شيئ في الدنيا ديه
عشقي ليك ماله نهايه
عشق قيس لحبته ليلى
عشق خالد مهما طال
تتبنى فوقه جبال
شعر العاميه - كثرت عليك الهموم
كثرت عليك
الهموم
وزهقت من حملك
افتكر ربك كريم
في المحنه ده سندك
خلقك من الا شيئ
قادر يزيل همك
لما تعود للطريق
بابه بيفتحلك
الخميس، 5 يوليو 2018
شعر العاميه -الان فقط وصلتنا رسالتكم
الان فقط وصلتنا رسالتكم
ماعاد عرب ولا اسلام
الكل نيام
فلا عجب تسقط بغداد
نقتل في كل البلدان
فلا عجب
الكل نيام شعوب كانوا ام حكام
فلا عجب
القدس يخان بلا اسباب
فلا عجب
ايه المختار افق
لبيا بدونك تحترق
ايه الياسين بالله قم
القدس بيع بلا ثمن
ايا ال زنكى عودوا للحياه
انقذوا حلب وحماه
اي ايه المثنى يا حامى الحمى
عراقنا اليوم يبكى دمى
ايا صلاح الدين قم من مرقدك
العرب
باع القدس وبغداد واليوم شامنا تحترق
الأحد، 8 أبريل 2018
شعر العاميه -اهتف باسمك
اهتف باسمك
تكتمى صوتى
احلف بحياتك
تشتهى موتى
عاشق مش بس نيلك
عاشق يا بلدى رمالك
وساخط عليكى من افعالك
تئوى الغريب في حضنك
وسيبانى لكلابك
مع انك عارفه انى عاشقك
بتقفلى في ببانك
وانا راضى فيكى بقليل فتاتك
ده انا الى بدفع بدمى
ضريبه حياتك
معلش يا غاليه من ضيقتى سبيتك
سمحينى واللهى من قلبي حبيتك
مش طالب منك ملكك
ولا طالب يا بلدى قصرك
يكفينى يا غاليه منك
قبرى يكون فى حضنك
الأحد، 19 نوفمبر 2017
الاشتراك في:
الرسائل (Atom)